Što je modelowy projekt Witaj?

• Witaj je serbske słowo a wotpowěduje němskemu Wilkommen.
• Witaj je SŠT jako modelowy projekt wuwiło a w lěće 1998 zawjedło.
• Witaj spěchuje zažne přiswojenje serbskeje a němskeje rěče.
• Witaj nałožuje so w swobodnym staće Sakska a w kraju Braniborska.
• Witaj je zakład za wjacerěčne kubłanje wot žłobika hač k uniwersiće.
• Witaj je cyle nowy kubłanski koncept w Sakskej a Braniborskej.
• Witaj je patentno-prawnisce přez SŠT škitany.
• Witaj je wuraz kwality SŠT.

Kak so Witaj posrědkuje?

• Witaj woznamjenja nałožowanje mjezynarodnje připóznateje metody imersije (dospołneje abo parcielneje).
• Witaj woznamjenja zanurjenje do serbskeje rěče.
• Witaj wjedźe hrajkajo k serbsko-němskej dwurěčnosći.
• Witaj nałožuje so po principje: jedna wosoba – jedna rěč (rěč je wjazana na wosobu).

Što su lěpšiny Witaj?

• Witaj spěchuje přidatnje socialne, interaktiwne a kognnitiwne kmanosće dźěći.
• Witaj-dźěći maja předskok wědy při nawuknjenju dalšich rěčow.
• Witaj spěchuje zažne přiswojenje druheje rěče přez nawjazanje na hižo wobstejace neuronalne wjazby.
• Witaj-dźěći móža so hižo w prěnim lětniku po koncepće 2plus ze serbskej a němskej fiblu alfabetizować.
• Witaj spěchuje tolerancu a wotewrjenosć druhim rěčam a kulturam napřećo.
• Witaj spěchuje so ze stron Sakskeje a Braniborskeje.
• Witaj rěka, zo nimja starši přidatne wudawki.
• Witaj spěchuje zažnu dwurěčnosć a z tym pozdźiše móžnosće na dźěłowych wikach na wuchodźe a zapadźe.